Etop emi oto nka Cochrane ndimen nwut nduonghde emi ekemede ndida nam ubiere kebanga nsongidem.
Udongo itiaita edi ata akpan mfina ono nsongidem ke obio Nigeria emi omumde ikpo owo ye nditonwon ke idaha isua eke ededi. Ata ediwak ndito emi udongo emi omumde eda eto ke idem mme eka mmo emi enyenede udongo emi. Udongo itiaita ototo eka esim eyen k’ini eka odude ke idibi, ke ini uman, me k’ini ndito emi ewapde eba. Etop emi edi ndinam kpukpru owo ediongo ebanga ibok udongo itiaita emi mbakara ekotde antiretroviral drugs onyung anwamde ndikpan udongo itiaita ndibe ke idem eka nsim eyen ke ini idibi ye ini uman. Ke utit isua tosin edip ye usuk-kiet, ndito million iba ye ikie ition ke idak isua efit ekenyene udongo itiaita emi ekotde HIV/AIDS. Ke ata ediwak ini, udongo emi oto eka esim eyen.
Enam ndungode ebanga ndidiongo usung eke ekpe edade eno mme eka ibok udongo emi man esuhode ufang udongo itaita ndibe ke idem eka nsim eyen, nyung mkpan mfina efen ke usung uno ibok emi ndinsim eka. Mme nta ifiok edungodede mkpo ebanga udongo emi, enam nnyin idiongo nte ke ndino eka emi enyenede udongo itiaita mme ibok udongo emi ke ini enye asangade ye idibi anwam ndisuhode ufang udongo itiaita ndibe ke idem eka nsim eyen. Oro edi edieke ebakde eno mme ibok emi ke ini eka oyomode, me k’ini eka onode eyen eba. Ediwak ndungode ese mme ndiwak ikpege uno mme ibok emi ye nditetre ndino mmo. Efiak edungode ese ndino ibok emi ke anyan ini ye ke ndino k’ibio ini. Ke etangde kpukpru ndungoede emi edian, ndino ubak ibok emi ke ekpri ini anwam ndikpan udungo itiaita ndito eka nsim eyen ke usung eke mi’daha mfina efen ino eka. Edi ata akpan mkpo mme eka emi esangade y’idibi ndidiongo mme mmimo m’inyene udongo itiaita emi, man mmo ekeme ndiwam idem mmo ndikpan udongo emi ndibe nsim ndito mmo eyomode.
Cochrane Nigeria eno etop nsonidem emi esok mbufo.
| See summary of the review | DACHI | See full review on the Cochrane Library | DACHI | Listen to more podcasts |
Citation of Review: Siegfried N, van der Merwe L, Brocklehurst P, Sint TT. Antiretrovirals for reducing the risk of mother‐to‐child transmission of HIV infection. Cochrane Database of Systematic Reviews 2011, Issue 7. Art. No.: CD003510. DOI: 10.1002/14651858.CD003510.pub3.
Translator: Elizabeth Edem